Zdarzyń i wydarzyń w tym filmie niy brakuje (naszpikowany epizodami, że hej!), ale... Ale zaś mómy tukej do czyniynia z produkcjóm, któro rozpado sie na dwie czyńści. Tam, kaj dóminujóm akcynty kómediowe jes niyźle (kino ryczy ze śmiychu przy babce dewodce i łojcu pijoku), no ale tam kaj pojawiajóm sie pierwiastki dramatyczne, tam jes już gorzij. Brodzik w agónii niy tyla umiyro, co ziywo. Kawka loto po miyszkaniu goło w nerwicy, ale mie bardzij interesujóm płyty, które stojóm na półce, niż jij szarpanina z Lindóm, którego ekranowy płacz niystety udowany jes i to sie rzuco w łoczy. Czyli? Czyli niyrówny film - po połowie zachwycajóncy i irytujóncy, z którym za bardzo niy wiadómo co poczóńć... Ani dobry, ani zły... Średni.